Աշխարհի խոշորագույն քաղաքներում մեկը մյուսի հետեւից ընթանում են նորաձեւության շաբաթները, եւ FashionYan-ը չի հասցնում դրանց հետեւից 
Դեռ նոր եմ ամփոփում Լոնդոնի նորաձեւության շաբաթը, բայց արդեն Միլանում սկսվել է հերթականը: Ինչեւէ, կփորձեմ համառոտ ներկայացնել դրանք: Փետրվարի 14-18-ը Լոնդոնում անց է կացվել նորաձեւության հերթական շաբաթը, որի ընթացքում հայտնի նորաձեւության տները ներկայացրել են իրենց 2014 աշուն-ձմեռ հավաքածուները: Եկեք տեսնենք, թե որոնք էին ամենահաջողված ցուցադրությունները` ըստ FashionYan-ի:
Առաջինն այս շարքում Burberry Prorsum-ն է: Հավաքածուն աչքի ընկավ իր վառ, բնությանը մոտ գույներով, աշխարհագրական եւ էթնիկ նախշերով զգեստներով, որոնք մեքսիկական ոճ են հիշեցնում:
Հաջորդը, որին ուզում եմ անդրադառնալ, Tom Ford-ի ցուցադրությունն է: Այս անգամ հավաքածուն փոքր-ինչ զուսպ էր` ոգեշնչված 60-ականներից ու վայրի Արեւմուտքից:
Լոնդոնի նորաձեւության շաբաթը եզրափակվեց Simone Rocha-ի ցուցադրությամբ: Հավաքածուն արված է արքայական ոճով, ժամանակակից ու ֆուտուրիստական լուծումներով:
