Տավուշի մարզպետ Հայկ Ղալումյանն այսօր գնացել է Կիրանց։ Տեղեկությունը Sputnik Արմենիային հայտնեց Կիրանցի բնակիչներից մեկը։
Նա տեղեկացրեց, որ այժմ մարզպետը փակ հանդիպում է անցկացնում Կիրանցի տղամարդկանց հետ։ Հանդիպմանն արգելվել է լրատվամիջոցների մուտքը։
Երեկ ամբողջ օրվա ընթացքում կիրանցեցիները պահանջում էին հանդիպում Տավուշի մարզպետի հետ։ Վերջինս համաձայնել էր հանդիպել գյուղի դպրոցի մոտ՝ առանց լրատվամիջոցների ներկայության։ Գյուղացիներն այս պայմանին չէին համաձայնել՝ հայտարարելով, որ թաքցնելու բան չունեն։ Արդյունքում մարզպետի հետ հանդիպում այդպես էլ չէր կայացել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
