Հայաստանի վճարները ՀԱՊԿ ընդհանուր բյուջե կազմել են տասը տոկոս, որը հայկական կողմն արդեն երկու տարի է՝ չի վճարում. ՌԴ մշտական ներկայացուցիչ

Հայաստանի վճարները ՀԱՊԿ ընդհանուր բյուջե կազմել են տասը տոկոս, որը հայկական կողմն արդեն երկու տարի է՝ չի վճարում, ՌԻԱ Նովոստի-ին հայտնել է կազմակերպությունում Ռուսաստանի մշտական ներկայացուցիչ Վիկտոր Վասիլևը։

«Իր տասը տոկոսը, որը պետք է վճարեր հայկական կողմը, նա արդեն երկու տարի է՝ չի վճարում»,- ասել է նա։

Վասիլևն ընդգծել է, որ բյուջեն 50 տոկոսով բաղկացած է Մոսկվայի վճարներից։ Կազմակերպության մյուս անդամներից ստացվում է տասական տոկոս։

Հիշեցնենք, որ 2024 թվականին Երևանը սառեցրել է մասնակցությունը ՀԱՊԿ-ին։ 2025 թվականի ամռանը Հայաստանի վարչապետ Փաշինյանը հայտնել էր, որ ավելի հավանական է համարում երկրի դուրս գալը կազմակերպությունից, քան դրանում մասնակցության վերականգնումը։

Հունիսին ԱԳ նախարար Սերգեյ Լավրովը նախազգուշացրել էր, որ Երևանի կողմից ֆինանսավորման բացակայության պատճառով ՀԱՊԿ-ը կդիտարկի կանոնադրության այն հոդվածի կիրառումը, որը վերաբերում է պարտավորությունները չկատարող անդամներին։