G7-ի երկրները երեք անգամ շնորհավորել են Թրամփին՝ Իրանի հարցով որոշման համար․ Politico
14:11 , 18 հունիս, 2026168.am-ը գրում է․
«Մեծ յոթնյակի» (G7) երկրների ղեկավարները Ֆրանսիայում կայացած գագաթնաժողովի արդյունքներով ընդունված համատեղ հայտարարության մեջ երեք անգամ շնորհավորել են ԱՄՆ նախագահ Դոնալդ Թրամփին իրանական հակամարտության կարգավորման կապակցությամբ՝ նպատակ ունենալով շահել ամերիկյան առաջնորդի բարեհաճությունը։ Այս մասին հայտնում է «Politico» պարբերականը՝ հղում անելով իր աղբյուրներին։
Ըստ անանուն դիվանագետի՝ սա «միտումնավոր ժեստ» էր՝ «յոթնյակի» ներսում «փխրուն հավասարակշռությունը չխախտելու» համար։ Նա հավելել է, որ այդպիսով G7-ի ղեկավարները «իրենց աջակցությունն են հայտնել նրան»։
ԱՄՆ-ի, Իրանի և որպես միջնորդ հանդես եկող Պակիստանի պաշտոնատար անձինք հունիսի 14-ին հաստատել են Վաշինգտոնի և Թեհրանի միջև համաձայնության ձեռքբերումը, որի նպատակն է վերջ դնել Մերձավոր Արևելքում ընթացող պատերազմին։ Իրանի փոխարտգործնախարար Քազեմ Ղարիբաբադիի խոսքով՝ 60-օրյա զինադադարի ընթացքում կողմերը կքննարկեն նաև Թեհրանի միջուկային ծրագիրը, հունիսի 15-ից հայտարարվում է ԱmodifyՆ-ի կողմից Իրանի ծովային շրջափակման ավարտը, ինչպես նաև բոլոր ճակատներում, այդ թվում՝ Լիբանանում, ռազմական գործողությունների անհապաղ ու մշտական դադարեցումը։ ԱՄՆ-ն ու Իսրայելը Իրանի դեմ պատերազմը սկսել են փետրվարի 28-ին։ Հունիսի 17-ին ԱՄՆ նախագահ Դոնալդ Թրամփը, Վերսալի պալատում Ֆրանսիայի նախագահ Էմանուել Մակրոնի հետ հանդիպումից հետո, հաստատել է Վաշինգտոնի և Թեհրանի միջև հուշագրի ստորագրումը։
G7-ի գագաթնաժողովն անցկացվել է հունիսի 15-17-ը ֆրանսիական ալպիական Էվիան լե Բեն առողջարանային քաղաքում։