Ղազարյան Սոնիկը հաշվեհարդարով է սպառնում

14:14 , 13 հունիս, 2026
Շնորհավորելով քաղաքացիներին «իսկապես ազատ» ընտրությունների առթիվ՝ Ղազարյան Սոնիկը սպառնացել է բոլոր նրանց, ովքեր պնդում են, որ վարչական ռեսուրսի չարաշահում է տեղի ունեցել: «Այս մանդատը մեզ շնորհել է մանդատ՝ իրավական և քաղաքական հաշվերահարդար տեսնելու բոլոր նրանց, ովքեր ոչ թե փորձում են ապալեգիտիմացնել ընտրությունները, այլ ապալեգիտիմացնել պետությունն առհաարակ, որովհետև սա ակնհայտորեն կռիվ է պետության դեմ, և իրենք սա չեն մարսելու»,-մասնավորապես՝ հոխորտացել է Սոնիկը:

Փաստորեն՝ Սոնիկն ինքն իրեն ու իր նմաններին դրել է Լուի XIV-ի տեղը. «ժողովրդավարության բաստիոնում» պետությունը նույնացվում է մեկ առանձին վերցրած սուբյեկտի հետ, իսկ այդ սուբյեկտին քննադատողները, փաստորեն, հռչակվում են՝ պետության թշնամիներ: Հարց է առաջանում՝ Սոնիկը տեղյակ չէ՞, որ իշխող ուժի գործողությունները կամ ընտրական գործընթացները քննադատելը քաղաքացիների և ընդդիմության սահմանադրական իրավունքն է: Կամ ի՞նչ է նշանակում «հաշվերահարդար» եզրը՝ իշխող Սոնիկի բերանում: Եթե իրավական պետություն են կառուցում, բա է՛լ ինչպե՞ս է վերոհիշյալ եզրը արծարծվում Սոնիկի բերանում: Սոնիկը հայտարարում է, որ ով որ ՔՊ-ի տեսակետներին դեմ է ու չի ընդունում ընտրությունների արդյունքները, ուրեմն պետք է սեփական մաշկի վրա զգա Նիկոլի «երկաթյա բռնունցքը»: Սա համահո՞ւնչ է ժողովրդավարությանը:

Իրականում ոչ թե Նիկոլի երկաթյա բռունցքն են մարդիկ սեփական մաշկի գվրա զգալու, այլ Իլհամինը. Նիկոլը հանձն է առել Հայաստանի հենց ներսում դառնալ Իլհամի անդամը: