Չկա այդպիսի լվացքի մեքենա, որը «կթարմացներ» և «կմաքրեր» Նիկոլի կողմից քանիցս օգտագործված լաթը, ինչպիսին Էդմոն Մարուքյանն է. Արմեն Աշոտյան

Կրկին լինելով ապօրինի անազատության մեջ և համալրելով Հայաստանի տասնյակ քաղբանտարկյալների շարքերը` եղել եմ փաստացի տեղեկատվական բլոկադայի մեջ: Սակայն նույնիսկ բանտի մռայլ և հաստապատ շրջանակից ներս թափանցեց Էդմոն Մարուքյանի հերթական նենգ և կեղտոտ արտանետումը Սերժ Սարգսյանի և իմ մասին:

Ամբողջ ընտրարշավի ընթացքում նա փորձում էր կարևորել իրեն` պարբերաբար քարեր նետելով մեր ուղղությամբ, սակայն մենք կարիք չէինք տեսնում իրենից լուրջ օպոնենտ կերտել և totally ignore էինք անում:

Հիմա, երբ ընտրություններն ավարտվել են (Էդմոնի համար՝ հատկապես խայտառակ արդյունքով), Էդմոնի սրիկայությունը հասել է նոր հակառեկորդի: Պատասխանեմ իրեն բանտից:

Փոխանցեք իրեն, որ նիկոլական ռեժիմում աշխատած, պիտանելիության ժամկետը սպառած և դեն նետված այդ վինտիկը որևէ քաղաքական կամ բարոյական իրավունք չունի բարոյախրատական զրույցների կամ վերլուծության:

Փոխանցեք իրեն, որ ես` Արմեն Աշոտյանս, իր կողմից հիշատակվելու կամ առավել ևս` «մտահոգվելու» կարիքը չունեմ: Որ ես շատ լավ հիշում եմ իր պահվածքը որպես Նիկոլի դեսպան 2022-ի դեկտեմբերին Վիեննայում՝ թե՛ ադրբեջանական պատվիրակների ներկայությամբ, թե՛ իմ հետ զրուցելու ընթացքում:

Փոխանցեք իրեն, որ նա երանի կտար Սերժ Սարգսյանի նման ընկեր ունենար կամ իմ չափ հավատարմություն:

Փոխանցեք իրեն, որ նստած  մարդուն նման կերպ հիշատակելը և կեղտոտ թեմայի մեջ ներքաշելը վայել չէ և բարոյական չէ (եթե, իհարկե, նա դեռ հիշում է այդ բառի իմաստը):

Եթե նորից պլոճիկ կամ խիղճ չունի իմ` քաղբանտարկյալ լինելու մասին խոսելու համար` թող լալկվի:

Ի վերջո, չկա այդպիսի լվացքի մեքենա, որը «կթարմացներ» և «կմաքրեր» Նիկոլի կողմից քանիցս օգտագործված լաթը, և չկա այնպիսի հանդերձարան, որտեղ այդ second hand-ը տեղ ունի:

Մնացածը` իմ ազատությունից հետո:

Հ.Գ. Հարգելի հայրենակից, կարանտինից ես տեղեկատվական հոսքերին կանոնավոր վերադարձից հետո կրկին, ինչպես նախորդ ազատազրկման ժամանակ, կկիսվեմ ձեզ հետ իմ մտորումներով և կարծիքներով: Շնորհակալ եմ ձեզ աջակցության համար` ինձ և իմ ընտանիքին:

Ազատությո՛ւն բոլոր քաղբանտարկյալներին: