Այլընտրանք են Ադրբեջանը, Թուրքմենստանը, Իրանը. ՀԾԿՀ նախագահը՝ գազի ներմուծման հնարավոր այլընտրանքների մասին

Ես քաղաքական գործիչ չեմ և քաղաքական որոշումներին մասնակից չեմ, հետևաբար այդ ինֆորմացիային չեմ տիրապետում, բայց հարակից տարածքում այլընտրանք են Ադրբեջանը, Թուրքմենստանը, Իրանը: Այս մասին ճեպազրույցի ժամանակ ասել է Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը՝ լրագրողի հարցին ի պատասխան՝ խոսելով գազի ներմուծման հնարավոր այլընտրանքների մասին:

«Այլընտրանք են բոլոր այն հնարավոր երկրները, որոնք գազ են վաճառում և ենթակառուցվածքները թույլ են տալիս, որ մենք այդ երկրներից գազ գնենք»,-նշել է նա: