Ի՞նչ բազմիմաստ կոմպլիմենտ է Քըլըչն արել «Լամա Ռուբոոյին»

16:04 , 6 մայիս, 2026
«Երևանյան երկխոսություն-2026» միջազգային համաժողովի ընթացքում Թուրքիայի՝ Հայաստանի հետ հարաբերությունների կարգավորման հարցերով հատուկ ներկայացուցիչ Քըլըչ Սերդարը «Լամա Ռուբոյին» հաճոյախոսել է բավական ինքնատիպ կերպով. հայտարարել է՝ ինքն ու նա փոխըմբռնում ունեն, որովհետև նույն մշակույթից են:

Չափազանց հավակնոտ է հնչում Քըլըչի հայտարարությունը. ինքն իրեն ու Ռուբինյան Ռուբիկին որպես նույն մշակույթի կրողը հայտարարելով՝ իրականում թուրքը ոտնձգության է ենթարկել հայ ժողովրդի ինքնությունը՝ հասկացնելով, թե հայկական մշակույթն էլ է իրենցը, և սա՝ այն դեպքում, երբ հայտնի է, թե որքան հին է հայկական մշակույթը, և թե ինչ են իրենցից ներկայացնում թուրքերը:

Մյուս կողմից, սակայն, Քըլըչի հայտարարության մեջ կա որոշակի ճշմարտություն. եթե Ռուբիկն ազդված չլիներ թուրքերից, հիմա մեծագույն հաճույքով Հայաստանը քըլըչերի տակ չէր գցի, թուրքական շահի համար վիզ չէր դնի, Նիկոլի թիմում առհասարակ չէր էլ լինի:

Եթե վերարտադրվեցին սրանք, հայ ժողովրդի մշակույթն էլ է թրքանալու, նիստուկացն էլ, բառուբանն էլ: