97 համարի ավտոբուսի վարորդը հայտարարել է, որ այլևս չի գնալու ու իջեցրել է բոլոր ուղևորներին․ Էրիկ Անթառանյանն ահազանգում է
19:54 , 23 հունվար, 2026Այսօր 10 տարեկան տղաս դուրս է եկել Դպրոցից և իր սովորական երթուղով փորձել է ավտոբուսով հասնել պարապմունքի՝ Կոմիտասի պողոտա։ Նստել է 97 համարի ավտոբուսը, որը Տիգրան մեծ պողոտա՝ Տաշիր առևտրի կենտրոնի մոտ գտնվող կանգառ հասնելուց հետո հայտարարել է, որ այլևս չի գնալու ու իջեցրել է բոլոր ուղևորներին։ Երեխան խնդրել է՝ գոնե բացատրել, թե ինչ այլ տրանսպորտով կարելի է հասնել Կոմիտաս պարապմունքի՝ վարորդը չի պատասխանել, միայն ասել է, որ այլևս չի քշելու։
Ես երեխային, հեռախոսով ուղղորդելով ու գեոլոկացիային հետևելով, մետրոյով ու այլ տրանսպորտով տեղ հասցրի, հարցը դա չէ, բայց Երևանի քաղաքապետարան / Yerevan Municipality, ասենք թե վճարած գումարը հեչ, բա երեխան, որ հեռախոս չունենար, ո՞նց էինք տակից դուրս գալու։