Դանիան առաջին անգամ ԱՄՆ-ին կհիշատակի որպես ազգային uպառնալիք

Դանիայի պաշտպանության հետախուզական ծառայության կողմից կազմված սպառնալիքների գնահատման նոր զեկույցում Դանիան առաջին անգամ Միացյալ Նահանգները կներառի երկրի համար սպառնալիքների շարքում, հաղորդում է B.T.-ն՝ Ռիա Նովոստիի փոխանցմամբ։

Նշվում է, որ զեկույցը պաշտոնապես կհրապարակվի չորեքշաբթի օրը։

«Առաջին անգամ Միացյալ Նահանգները հիշատակվում է որպես բացասական աղբյուր Դանիայի դեմ ուղղված սպառնալիքների լանդշաֆտում», - ասվում է թերթի մեջ՝ հղում անելով դանիական Berlingske թերթին։

Թերթի տվյալներով՝ փաստաթղթում նշվում է, որ Միացյալ Նահանգներն այժմ իր տնտեսական և տեխնոլոգիական հզորությունն օգտագործում է որպես ազդեցության միջոց, այդ թվում՝ դաշնակիցների և գործընկերների դեմ։ Դանիական լրատվամիջոցների փոխանցմամբ՝ ԱՄՆ-ից բացի, որպես Դանիայի անվտանգությանը սպառնացող սպառնալիքներ նշվում են նաև Ռուսաստանը և Չինաստանը։

ԱՄՆ նախագահ Դոնալդ Թրամփը բազմիցս հայտարարել է, որ Գրենլանդիան պետք է դառնա Միացյալ Նահանգների մաս։ Նա ընդգծել է դրա ռազմավարական կարևորությունն ազգային անվտանգության և «ազատ աշխարհի» պաշտպանության համար, այդ թվում՝ Չինաստանից և Ռուսաստանից։ Գրենլանդիայի նախկին վարչապետ Մուտե Էգեդեն պատասխանել է, որ կղզին վաճառքի ենթակա չէ և երբեք էլ չի վաճառվի։ Թրամփը, սակայն, հրաժարվել է պարտավորվել չկիրառել ռազմական ուժ Գրենլանդիայի նկատմամբ վերահսկողություն հաստատելու համար։

Գրենլանդիան դանիական գաղութ էր մինչև 1953 թվականը։ Այն մնում է թագավորության մաս, բայց 2009 թվականին ձեռք է բերել ինքնավարություն՝ ինքնակառավարման և ինքնուրույն և անկախ ընտրություն կատարելու իրավունքով։