Վրաստանը 20 օրից ավելի է թույլ չի տալիս ադրբեջանական բեռնատարներին անցնել մաքսատունը
15:12 , 26 նոյեմբեր, 2025Վրաստանը 20 օրից ավել է, ինչ թույլ չի տալիս ադրբեջանական ծխախոտային արտադրանք տեղափոխող բեռնատարներին անցնել մաքսատունը, հաղորդել են ադրբեջանական լրատվամիջոցները։
Ինչպես հայտնել էր վարորդներից մեկը, խնդիրը վերաբերում է միայն ծխախոտային արտադրանք տեղափոխող բեռնատարներին, մյուս տրանսպորտային միջոցներին թույլատրվում է անցնել առանց ուշացման։
Նրա խոսքով՝ վրացական կողմը կանգնեցնում է միայն ադրբեջանական մեքենաները, մինչդեռ վրացականները ազատ անցնում են։