Բաքվում գտնվող հայ փորձագետները հանդիպել են Հաջիեւի հետ

17:51 , 22 նոյեմբեր, 2025

«Խաղաղության կամուրջ» նախաձեռնության շրջանակներում 2025 թվականի նոյեմբերի 21-22-ը տեղի ունեցավ Հայաստանի քաղաքացիական հասարակության ներկայացուցիչների խմբի այցը Ադրբեջան։ 

Նախաձեռնության հայաստանյան ներկայացուցիչներ Արեգ Քոչինյանը, Բորիս Նավասարդյանը, Նաիրա Սուլթանյանը, Նարեկ Մինասյանը և Սամվել Մելիքսեթյանը հանդիպել են ադրբեջանցի գործընկերների՝ Ֆարհադ Մամեդովի, Ռուսիֆ Հուսեյնովի, Քամալյա Մամեդովայի, Ռամիլ Իսկանդերլիի և Ֆուադ Աբդուլաևի հետ։

Պայմանավորվածություն է ձեռք բերվել ակտիվացնել համատեղ գործունեությունը մեդիա ոլորտում, հաստատել փորձագիտական խմբերի միջև ուղիղ կապեր և հետագայում ներգրավել Ադրբեջանի և Հայաստանի քաղաքացիական հասարակություններին խաղաղության գործընթացում։

Այցի ընթացքում «Խաղաղության կամուրջ» նախաձեռնության անդամները հանդիպել են Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի հետ։