Չեմ եղել բարիկադից այս կամ այն կողմ, փորձել եմ հանդարտության կոչեր անել. Ռուբեն Մխիթարյանը՝ իրեն բերման ենթարկելու մասին
14:56 , 20 նոյեմբեր, 2025Tert.am-ը գրում է.
Ձեր լուսաբանման շնորհիվ պարզ դարձավ, որ ես՝ ոչ իրավաչափ որևիցե գործողության չեմ կատարել: Այս ամբողջ ընթացքում ահռելի աշխատանք եք կատարել: Վերջին ժամանակները ցույց են տալիս, որ ամենաթիրախավորվող խմբերը՝ լրագրողներն ու փաստաբաներն են: Այս մասին ասուլիսի ժամանակ ասել է փաստաբան Ռուբեն Մխիթարյանը, ով վերջերս է ազատվել կալանքից:
«Քսանութ օր գտնվելով անազատության մեջ՝ արտաքին աշխարհից կտրված եմ եղել: Վերջին մեկուկես օրվա ընթացքում նայելով ֆեյսբուք և այլ սոցիալական կայքեր, հասկացա, թե ինչքան մեր հայրենակիցներ հոգնել են այս ամեն ինչից, որովհետև վստահ եմ բնակչության գերակշիռ մասը տեսել է նաև տեսագրությունը, թե ես ինչ էի անում, ինչի համար էի գնում ու ինչ անցած ճանապարհ ունեմ: Շնորհակալությունս եմ հայտնում բոլորին՝ իրենց սրտավացության համար»,- ավելացրել է Մխիթարյանը:
Անդրադառնալով հոկտեմբերի 20-ի միջադեպին՝ փաստաբանը մանրամասնել է. «Պետք է փաստաբանական օգնություն ցուցաբերեի, չեմ կարող ասել՝ ում կամ քանի հոգու, դա գաղտնիք է: Երևան քաղաքից շարժվել եմ Գյումրի քաղաք: Հաշվի առնելով, որ հրապարակը արդեն փակ էր, ոստիկանական մեքենաներ են եղել, ցույց եմ տվել իմ փաստաբանական արտոնագիրը: Մեքենայով կարողացել եմ հանգիստ մոտենալ քաղաքապետարանի շենքին»:
Ամբողջական հոդվածը կարող եք կարդալ այստեղ: