19 մանդատ ստանում է ՔՊ-ն, 14՝ ընդդիմությունը
15:40 , 17 նոյեմբեր, 202519 մանդատ ստանում է ՔՊ-ն, 14՝ ընդդիմությունը։ Իհարկե որևէ «ջախջախիչ» հաղթանակի մասին խոսք չկա, բայց մի քանի կարևոր դիտարկում երեկվա ընտրությունների վերաբերյալ։
1. Իշխանությունը հստակ, անուն առ անուն գիտի իր ընտրողներին և իրենք կազմակերպված են։
2. Երեկ իմ դիտարկված տեղամասի գերակշիռ մասը ընտրողների 50+ տարիքային խմբի մարդիկ էին։
3. Վարչական ռեսուրսը միշտ իշխանության ձեռքում է և հավասար պայմանները իսկզբանե բացառված են։
4. Բազմաթիվ արձանագրված խախտումները ՏԻՄ ընտրությունների ընթացքում հարյուրապատկվելու են համապետական ընտրությունների ժամանակ։
5. Ճիշտ քարոզարշավը և ընտրությունների չգնացող մարդկանց մոտիվացնելը պետք է ընդհանուր ընդդիմության օրակարգը լինի։