«Ես ինքս որոշեցի գալ այստեղ, որտեղ որ վարչապետն է. Համերաշխության աղոթք եմ բարձրացրել»․ Մհեր Արմենիան Փաշինյանի հետ պատարագի է մասնակցել

«Ես ընդդիմադիր հայացքներով մարդ եմ, բայց մենք բոլորս Աստծո զավակներն ենք և Եկեղեցին ընդունում է բոլոր մարդկանց՝ անկախ ընդդիմադիր հայացքներից, իշխանական հայացքներից, բոլորս քրիստոնյա ենք»,– այս մասին լրագրողների հետ զրույցում ասել է երգիչ Մհեր Արմենիան, որը Նիկոլ Փաշինյանի հետ մասնակցում էր Թալինի սբ. Աստվածածին եկեղեցում Տեր Թադե Թախմազյանի մատուցած պատարագին։

Նա նշել է, որ համերաշխության աղոթք է բարձրացրել եկեղեցում։

«Ես ինքս որոշեցի գալ այստեղ, որտեղ որ վարչապետն է։ Ուզեցի ներկա գտնվեմ, տեսնեմ այս կողմի ժողովրդիս, քանի որ ընդդիմադիր դաշտի ժողովրդին ճանաչում եմ»,– ասել է երգիչը։