«Անընդհատ սիրահարվում էի և հիասթափվում». Սոս Ջանիբեկյանը՝ անձնական կյանքի մասին
10:07 , 21 հոկտեմբեր, 2025Դերասան Սոս Ջանիբեկյանը ֆեյսբուքյան իր էջում կիսվել էր դեռ 2015-ի մի հրապարակումով։ Այդ ժամանակ Սոսը գրել էր.
«Մի շրջան կար իմ կյանքում, որ ես անընդհատ սիրահարվում էի և որոշ ժամանակ անց հիասթափվում։ Ես դա անվանում եմ ճանաչողության և Էգոի շրջան։
Հետո եկավ մի շրջան , երբ չէի սիրահարվում, որ հանկարծ կրկին չապրեմ հիասթափության այդ ցավոտ զգացումը։ Ես դա անվանում եմ պաշտպանողության և վախերի շրջան։
Հետո եկավ մի փուլ երբ միայն հիասթափվում էի։Այդ փուլը ես անվանում եմ կյանքի փորձի և դիմադրողականության փուլ։
Հիմա ես ապրում եմ մի շրջան , երբ միայն սիրահարվում եմ ու չկա հիասթափություն։ Ես դա անվանում եմ հասունության և ուրախության փուլ։
Եվ գիտեմ, որ գալու է մի շրջան, երբ ոչ սիրահարվելու եմ, ոչ էլ հիասթափվելու , այլ ՍԻՐԵԼՈՒ եմ ամեն ինչ , ինչպիսին որ կա կյանքում ։ Ես դա անվանում եմ իմաստության և երջանկության շրջան»։
Այժմ, անդրադառնալով տարիներ առաջ արված իր հրապարակմանը, դերասանը նշել էր.
«Տենց էլ չեկավ»։