Ռուսաստանում ուժգին երկրաշարժ է գրանցվել

Hraparak.am-ը գրում է․

Պետրոպավլովսկ-Կամչատկայից 90 կիլոմետր հեռավորության վրա Խաղաղ օվկիանոսում տեղի է ունեցել 5.8 մագնիտուդով երկրաշարժ: 

Քաղաքում և Ելիզովոյում զգացվել են մինչև 4 մագնիտուդով ցնցումներ։

«Խաղաղ օվկիանոսում գրանցվել է նկատելի ցնցում (հետցնցում): Նախնական տվյալների համաձայն՝ Պետրոպավլովսկ-Կամչատկայի և Ելիզովոյի տարբեր շրջաններում զգացվել է մինչև 4 մագնիտուդով երկրաշարժ: Ցունամիի սպառնալիք չի հայտարարվել», - իր Telegram ալիքում հայտնել է Ռուսաստանի արտակարգ իրավիճակների նախարարության Կամչատկայի երկրամասի գլխավոր վարչությունը։

Երկրաշարժի էպիկենտրոնը գտնվել է 53.4 կիլոմետր խորության վրա: 

Սեյսմոլոգները նշում են, որ ցնցումը հետցնցում է՝ ավելի հզոր երկրաշարժից հետո առաջացած հետցնցում։

Կամչատկայում սեյսմիկ ակտիվությունը մնում է չափազանց բարձր, հաղորդում է RT-ն։ Ռուսաստանի գիտությունների ակադեմիայի միասնական երկրաֆիզիկական ծառայության դաշնային հետազոտական կենտրոնի Կամչատկայի մասնաճյուղի տվյալներով՝ 2025 թվականի հուլիսին գրանցված 8.8 մագնիտուդով հզոր երկրաշարժը շարունակում է ուղեկցվել հետցնցումների հաջորդականությամբ, որի ինտենսիվությունը ժամանակի ընթացքում աստիճանաբար նվազում է։