Մխիթարյանը հայտնվել է Ինտերի խաղային պաստառին՝ Չեմպիոնների լիգայի երկրորդ տուրի խաղից առաջ
20:57 , 30 սեպտեմբեր, 2025ArmSport.am-ը գրում է․
Միլանի «Ինտերը» սոցիալական ցանցի իր էջերում հրապարակել է այսօր՝ սեպտեմբերի 30-ին, Չեմպիոնների լիգայի խաղարկության լիգայի փուլի երկրորդ տուրի «Սլավիա Պրահայի» դեմ կայանալիք հանդիպման խաղային պաստառը։
Միլանյան գրանդը պատրաստ խաղային պաստառի վրա հայտնվել է Հայաստանի ազգային հավաքականի բոլոր ժամանակների լավագույն ռմբարկու Հենրիխ Մխիթարյանը։
«Չեմպիոնների լիգան վերադառնում է «Սան Սիրո»»,- գրված է լուսանկարին կից։
Չեմպիոնների լիգայի խաղարկության լիգայի փուլի երկրորդ տուրի «Ինտեր»-«Սլավիա Պրահա» հանդիպումը կմեկնարկի Երևանի ժամանակով 23։00-ին։