250,000 տենգե (175,000 դրամ). հայտնի են «Կայրաթ»-«Ռեալ» հանդիպման տոմսերի գները

Ալմաթիում սեպտեմբերի 30-ին կայանալիք «Կայրաթ»-«Ռեալ» հանդիպման տոմսերի գներն ու կատեգորիաները հայտարարվել են, հայտնում է Nur.kz-ը։ Չեմպիոնների լիգայի փուլի 2-րդ տուրի այս խաղը մեծ հետաքրքրություն է առաջացրել ղազախ երկրպագուների շրջանում։

«Կայրաթ»-«Ռեալ» հանդիպման տոմսերի վաճառքի պաշտոնական կայքը հրապարակել է ուղեցույց՝ տոմսերի վաճառքի մեկնարկից առաջ։ Գները տարբերվում են՝ կախված տրիբունայի տեղակայությունից։ Ամենաբարձր գինը կհասնի 250,000 տենգեի։

Տոմսերի արժեքը ղազախական տենգեով և հայկական դրամով

• Արևմտյան տրիբունա
  1-9 սեկտորներ (1-2 շարքեր)՝ 30 հազար տենգե (21 հազար դրամ*),
  մնացած սեկտորներ՝ 250 հազար տենգե (175 հազար դրամ*)։
• Արևելյան տրիբունա (30-48 սեկտորներ)՝ 150 հազար տենգե (105 հազար դրամ*)։
• Հյուսիսային և հարավային տրիբունաներ (18-28 և 49-60 սեկտորներ)՝ 75 հազար տենգե (52 հազար հինգ հարյուր դրամ*)։

Նշվում է, որ մեկ անձ կարող է գնել միայն երկու տոմս՝ վերավաճառքի ռիսկերը նվազեցնելու նպատակով։ Յուրաքանչյուր տոմս կկապվի գնորդի անհատական նույնականացման համարի (ԻԻՆ) հետ։

* — (1 տենգե = 0.70 դրամ)