Ուկրաինան և Սիրիան վերականգնել են դիվանագիտական հարաբերությունները
11:19 , 25 սեպտեմբեր, 2025Վլադիմիր Զելենսկին X սոցիալական ցանցում հայտարարել է, որ Ուկրաինան և Սիրիան ստորագրել են դիվանագիտական հարաբերությունների վերականգնման մասին կոմյունիկե, այս մասին փոխանցում է ՌԻԱ «Նովոստին»։
«Ուկրաինան և Սիրիան ստորագրել են դիվանագիտական հարաբերությունների վերականգնման վերաբերյալ համատեղ կոմյունիկե», - գրել է Զելենսկին։
Զելենսկին նշել է, որ Սիրիայի ժամանակավոր նախագահ Ահմեդ աշ-Շարաայի հետ քննարկել է համագործակցության զարգացման հեռանկարային ոլորտները, երկու երկրների առջև ծառացած անվտանգության սպառնալիքները և դրանց հակազդելու կարևորությունը։
Երկրների միջև դիվանագիտական հարաբերությունները խզվել են 2022 թվականին։