Նիկոլն Ալլահշուքյուրին թևեր է տվել

11:20 , 7 հունիս, 2025
Այն բանից հետո, երբ Բաքվում հայտարարել են «Իրևանի ղազիաթի» գործունեության վերսկսման մասին, Կովկասի մուսուլմանների վարչության նախագահ Փաշազադե Ալլահշուքյուրը վստահություն է հայտնել, որ «Իրևանի ղազիաթը» իր գործունեությունը կվերսկսի Երևանում ու Էջմիածնում: «Մենք հավատում ենք, որ արևմտյան ադրբեջանցիները կվերադառնան իրենց նախնիների հողերը։ Այս հողերում կան բազմաթիվ մզկիթներ, սրբավայրեր և գերեզմանատներ»,-մասնավորապես՝ հայտարարել է Ալլահշուքյուրը:

Ալլահշուքյուրի այս հայատյաց հայտարարությունները, ցավալիորեն, վախեցնող են: Եթե պետություն ունենայինք, եթե Նիկոլը չլիներ Հայաստանի ղեկավարը, անկասկած, կարելի կլիներ միայն ղժժալ: Բայց փաստ է, որ Ալլահշուքյուրից շատ ավելի փաշազադե է Նիկոլը, և եթե Իլհամի բրելոկը նման հայտարարություն է անում, ուրեմն արժե զգուշանալ:

Ալլահշուքյուրի հավատն ու վստահությունը հիմնավոր են, իսկ հիմքը Նիկոլն է: Կա՞ մեկը, որ կասկածում է, որ եթե Նիկոլը չհեռացվի, Ալլահշուքուրը կարող է դառնալ բովանդակ հայոց աշխարհի նոր հոգևոր առաջնորդը: Եկեղեցու դեմ Նիկոլի սանձազերծած այս ամբողջ հալածանքի հիմքերում հենց Փաշազադեն է կանգնած. մարդիկ մտադիր են գալ Երևան ու Էջմիածին, եկեղեցիները դարձնել մզկիթներ ու քրիստոնեական հնագույն այս հողը մահմեդականացնել-թրքացնել:

Իհարկե, չի ստացվելու. հայ ժողովուրդն այլևս արթանցել է ու շուտով Նիկոլի հերն անիծելու է՝ քռուփոշման թողնելով Ալլահշուքյուրին: