Թևանյան Անդոյի խնդիրը 2026-ի ընտրություններն են, այլ ոչ թե տրանսպորտի գները

15:59 , 15 մարտ, 2025
Արձանագրելով, որ տրանսպորտի գների թանկացման դեմ բոյկոտողների թիվը մեծ է՝ ավելի քան 60%, Թևանյան Անդոն ավելի քան 17000 քաղաքացու ստորագրությամբ իրենց նախագիծն է ներկայացրել ավագանու նիստին, իսկ մինչ այդ հայտարարել էր, որ եթե իշխանությունները մերժեն իրենց, գնալու են հանրաքվեի ճանապարհով: Անդոն պնդել է, թե բոյկոտը տվել է իր ադյունքը:

Ի՞նչ արդյունք է տվել, այն, որ Անդոն հիմա էլ սկսելու է հանրաքվեի՞ պատրաստվել մի դեպքում, երբ մոտ 17000 ստորագրությունից ավել չէր կարողացել հավաքել: Հայտնի է, որ նույն «Կարգին Հայկոյի» հավաքած ստորագրությունների քանակը մի քանի անգա ավել էր Անդոյի հավաքած թվից, ինչը շատ կոնկրետ բանի մասինէ վկայում:

Արդյունք կհամարվեր այն, եթե տրանսպորտի գները դառնային 100 դրամ: Ա՛յ այդ դեպքում կասեինք, որ Անդոն օդ չի տատանում: Գուցե 150 դրամն էլ կարելի է արդյունք համարել, բայց պարվեց, որ Անդոյին դա չի բավարարում:

Թե ինչու չի բավարարում, կարելի է հասկանալ. նա իրականում խնդիր ունի՝ մոռացության գիրկը չանցնելու, քանի որ այս ամենով Անդոն իրականում նախապատրաստվում է ընտրություներին՝ կարծելով, թե եթե չթուլացնի ակտիվությունը, եթե շատ տեսաուղերձներ հղի՝ արդուկելով մարդկանց գլուխները, 2026-ի ընտրություններում մեծ կլինեն շանսերը: Որքա՜ն մեծ է Անդոյի մոլորությունը…