Կանադայի ապագա վարչապետ Քարնին կերդվի մարտի 14-ին. CTV
10:42 , 13 մարտ, 2025Կանադայի ապագա վարչապետ Մարկ Քարնին մարտի 14-ին երդում կտա եւ կղեկավարի կառավարությունը, տեղեկացրել է CTV հռեուստաալիքը։
Նրա տվյալներով՝ արարողությունը տեղի կունենա Օտտավայի ժամանակով ժամը 11:00-ին Կանադայի գեներալ- նահանգապետ Մերի Սայմոնի նստավայրում։ Քարնիի հետ միասին երդում կտան նրա կաբինետի անդամները, սակայն դեռ պարզ չէ, թե ով է ընդգրկվելու դրանում։ Հեռուստաալիքի աղբյուրներն ավելացրել են, որ գործող վարչապետ Ջասթին Թրյուդոն հրաժարական կտա մինչ արարողությունը։
Մարտի 9-ին Կանադայի իշխող Լիբերալ կուսակցությունը նոր ղեկավար է ընտրել Կանադայի բանկի նախկին ղեկավար Մարկ Քարնիին։ Նա կլինի նոր վարչապետը մինչեւ հաջորդ խորհրդարանական ընտրությունները, որոնք ներկայում նշանակված են հոկտեմբերի 20-ին։ Հնարավոր է, որ Քարնին կարող է հայտարարել արտահերթ ընտրությունների մասին։ Ավելի վաղ Թրյուդոն հայտնել էր, որ կթողնի իշխող կուսակցության նախագահի պաշտոնը եւ կհեռանա վարչապետի պաշտոնից, բայց միայն լիբերալների նոր առաջնորդի ընտրությունից հետո։ Թրյուդոն կառավարության ղեկավարն է 2015-ից։