News.am-ը գրում է.
Արդյո՞ք Հայաստանի վարչապետը վստահում է Ռուսաստանի նախագահ Վլադիմիր Պուտինին։ «France 24» հեռուստաալիքի լրագրողի այս հարցին վարչապետ Նիկոլ Փաշինյանն ուղիղ չի պատասխանել՝ հայտարարելով, որ «իրենք միջպետական հարաբերությունների մեջ են»։
«Հայաստանն ու Ռուսաստանն ունեն երկար հարաբերությունների պատմություն: Այդ հարաբերությունների պատմությունն ունի որոշակի ինստիտուցիոնալ ավանդույթներ: Մենք այդ ավանդույթների շրջանակում ենք»,- ասել է Փաշինյանը և, ի պատասխան հարցին՝ արդյոք հիմա շփում ունի Պուտինի հետ, հայտնել, որ այո՝ վերջին անգամ դեկտեմբերին են շփում ունեցել: