Հերացի փողոցից Մյասնիկյան պողոտա տանող թունելում Scania մակնիշի բեռնատարի վրայից «կոնտեյներ»-ը պոկվել ու ընկել է ճանապարհին՝ փակելով այն
20:17 , 29 հունվար, 2024Shamshyan.com-ը գրում է.
Այսօր՝ հունվարի 29-ին, արտակարգ դեպք է տեղի ունեցել Երևանում։
Ժամը 18։40-ի սահմաններում ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդում տեղեկություններ են ստացվել, որ Հերացի փողոցից դեպի Մյասնիկյան պողոտա ճանապարհահատվածում՝ թունելի մեջ, Scania մակնիշի բեռնատար ավտոմեքենայի վրայից «կոնտեյներ»-ը պոկվել և ընկել է ճանապարհին՝ փակելով այն։
Այս պահին 4-րդ գումարտակի 1-ին և 3-րդ վաշտերի պարեկները ուժեղացված ծառայություն են կատարում և սպասում են, որպեսզի հատուկ տեխնիկայով «կոնտեյներ»-ը դուրս բերեն թունելից։
Shamshyan.com-ի տեղեկություններով, բարեբախտաբար տուժածներ չկան։