46 տարեկանում կյանքից հեռացել է Moschino նորաձևության տան կրեատիվ տնօրեն Դավիդե Ռենեն
00:40 , 11 նոյեմբեր, 202346 տարեկանում մահացել է իտալական հանրահայտ Moschino նորաձևության տան կրեատիվ տնօրեն Դավիդե Ռենեն։ Այս մասին սոցցանցերում հայտնել է նորաձևության տունը։
«Խոր վշտով և տխրությամբ Moschino-ն հայտնում է, որ 2023 թվականի նոյեմբերի 10-ին մահացել է Դավիդե Ռենեն»,- ասված է նորաձևության տան պաշտոնական ինստագրամյան էջում արված հրապարակման մեջ։
Նշվում է, որ Ռենեն Moschino-ի կրեատիվ տնօրենի պաշտոնը միայն վերջերս էր ստանձնել՝ 2023 թվականի նոյեմբերի 1-ին։ Մինչ այդ, ըստ Forbes ամսագրի, Ռենեն երկու տասնամյակ աշխատել Gucci նորաձևության տանը՝ զբաղեցնելով կանանց հագուստի գլխավոր մոդելավորողի պաշտոնը: