Կառավարության շենքի դիմաց իրավիճակը լարվեց. ոստիկանները սկսեցին բերման ենթարկել ցույցի մասնակիցներին
00:21 , 20 սեպտեմբեր, 2023News.am-ը գրում է.
Կառավարության շենքի դիմաց իրավիճակը լարվեց: Հրմշտոց սկսվեց ոստիկանների եւ ցուցարարների միջեւ:
Ոստիկանները սկսեցին բերման ենթարկել արդեն ժամեր շարունակ ակցիա իրականացնող ակցիայի մասնակիցներին:
Նշենք, որ Կառավարության մոտ հավաքված քաղաքացիները պահանջում են Նիկոլ Փաշինյանի հրաժարականը: Տարածքում մեծաքանակ ոստիկանական ուժեր են կուտակված։ Ոստիկանները վահաններով զինված մի քանի շարքով պատ են կազմել կառավարության շենքի մուտքի դիմաց։
Հիշեցնենք, որ այսօր՝ 13:00-ից ադրբեջանական կողմը լայնածավալ հարձակման է անցել Արցախի դեմ: Կան մի քանի տասնյակ զոհեր եւ վիրավորներ: Ստեփանակերտում պարբերաբար միանում է օդային տագնապի ազդանշանը: