Ալ-Հիլալի մարզիչը պատասխանել է Մեսսիի՝ Սաուդյան Արաբիայի առաջնություն հնարավոր տեղափոխության մասին հարցին


21:47 , 9 մայիս, 2023

Armsport.am-ը գրում է.

«Ալ-Հիլալի» գլխավոր մարզիչ Ռամոն Դիասը պատասխանել է ՊՍԺ-ի հարձակվող Լիոնել Մեսսիի հնարավոր տեղափոխության մասին հարցին։

«Այժմ մենք կենտրոնացած ենք խաղի վրա, մեզ գավաթի եզրափակիչն է սպասում։ Եզրափակչից հետո կտեսնենք, թե ինչ կլինի հետո»,- Դիասի խոսքերն է մեջբերում Goal-ը։

Ավելի վաղ հաղորդվում էր, որ Մեսսին պաշտոնական առաջարկ է ստացել սաուդյան ակումբից։ Արգենտինացին մայիսին այցելել էր Սաուդյան Արաբիա։

Ենթադրվում է, որ Մեսսին ամռանը կհեռանա փարիզյան ակումբից և Սաուդյան Արաբիայում կարող է ռեկորդային պայմանագիր ստանալ՝ մոտ 400 մլն դոլար աշխատավարձով։