Սիրիական Կարմիր Խաչը Արևմուտքին կոչ է արել չեղարկել Դամասկոսի դեմ սահմանված պատժամիջոցները
16:13 , 7 փետրվար, 2023Սիրիական Կարմիր Խաչը կոչ է անում վերացնել միակողմանի պատժամիջոցները Դամասկոսի նկատմամբ՝ երկրաշարժի հետևանքները վերացնելու համար։ Սիրիային հատուկ տեխնիկայի և սարքավորումների մատակարարում է անհրաժեշտ, Դամասկոսում կայացած մամուլի ասուլիսում հայտարարել է կազմակերպության ղեկավար Խալեդ Հբուբատին։ Այդ մասին տեղեկացնում Է «РИА Новости» գործակալությունից:
«Մենք կոչ ենք անում վերացնել Սիրիայի նկատմամբ շրջափակումը և տնտեսական պատժամիջոցները՝ ավերիչ երկրաշարժի հետևանքները վերացնելու համար… մեզ անհրաժեշտ են ծանր սարքավորումներ, շտապօգնության մեքենաներ և հրշեջ հաշվարկներ որոնողափրկարարական աշխատանքներն արագացնելու նպատակով:
Դրա համար անհրաժեշտ է, որպեսզի, որքան հնարավոր է շուտ, վերացվեն Սիրիայի նկատմամբ պատժամիջոցները», - ասել է Հբուբաթին։