Բաքուն սպասում է Երևանի պատասխանին խաղաղության պայմանագրի համաձայնեցման նպատակով հանդիպում անցկացնելու համար. Ադրբեջանի ԱԳՆ
23:24 , 18 հունվար, 2023Azatutyun.am-ը գրում է.
Բաքուն պատրաստ է խաղաղության համաձայնագիր ստորագրել Երևանի հետ՝ հիմնված հարաբերությունների կարգավորման հինգ հիմնական սկզբունքների վրա և ակնկալում է Հայաստանի համաձայնությունը՝ այդ տեքստը համաձայնեցնելու համար հանդիպում անցկացնելու համար, ասել է Ադրբեջանի ԱԳՆ խոսնակ Այխան Հաջիզադեն։
Հայաստանի ԱԳ նախարար Արարատ Միրզոյանն այսօր Ազգային ժողովում հայտարարեց, որ Երևանը մեկ ամիս սպասում է Ադրբեջանի պատասխանին խաղաղության պայմանագրի իր առաջարկների վերաբերյալ։
Պաշտոնական Բաքվի ներկայացուցիչը հավելել է, որ խաղաղության պայմանագրի տեքստը Ադրբեջանը ներկայացրել է անցյալ տարվա հոկտեմբերի 2-ին Ժնևում քննարկման, իսկ փաստաթղթի քննարկումները շարունակվել են Վաշինգտոնում։