«Սրանից էլ լավ խոստովանությո՞ւն. վերցրեք այս հայտարարությունները ու ուղարկեք միջազգայիններին, սա Ալիևի ինքնախոստովանական ցուցմունքն է»
12:12 , 11 հունվար, 2023168.am-ը գրում է․
Տաթևիկ Հայրապետյանը տելեգրամյան իր ալիքում գրում է. «Երեկվա ասուլիսի ժամանակ Լաչինի միջանցքի բլոկադայի հետ կապված Ալիևը հայտարարել է. «Ովքեր չեն ուզում լինել մեր քաղաքացիները ՝ ճանապարհը փակ չէ, այն բաց է։ Կարող են հեռանալ։ Կամ ինքնուրույն կարող են հեռանալ, մենք նրանց չենք խանգարի կամ ռուս խաղաղապահների մեքենաներով կամ ավտոբուսներով։ Ճանապարհը բաց է»։
Սրանից էլ լավ խոստովանությո՞ւն, որ այս ակցիայի իմաստը Արցախից հայերին դուրս հանելն է։ Վերցրեք այս հայտարարությունները ու ուղարկեք միջազգայիններին։ Սա Ալիևի ինքնախոստովանական ցուցմունքն է»։