Եվրոպայում գազի հազար խորանարդ մետրի գինը 800 դոլարից ցածր է՝ փետրվարի 16-ից հետո առաջին անգամ
21:36 , 30 դեկտեմբեր, 2022Tert.am-ը գրում է.
Եվրոպայում գազի գինն այսօրվա բորսայական առուվաճառքի ժամանակ իջել է 1000 խորանարդ մետրի դիմաց 800 դոլարից՝ 2022 թվականի փետրվարի 16-ից ի վեր առաջին անգամ։ Հունվարյան ֆյուչերսների արժեքը Նիդեռլանդների TTF հանգույցում նվազել է մինչև 791,3 դոլար 1000 խորանարդ մետրի դիմաց:
Եվրոպայում տաք եղանակի ֆոնին գազի գնանշումները նվազում են։ Ջերմաստիճանն այս շաբաթ ԵՄ երկրների մեծ մասում մնում է կլիմայական ցուցանիշներից բարձր, ինչը հանգեցրել է ոչ միայն պահեստարաններից գազի դուրսբերման նվազմանը, այլև դրանց ռեկորդային մակարդակի ներարկման ավելացմանը։
Բացի այդ, ԵՄ էլեկտրաէներգիայի արտադրության մեջ քամու տեսակարար կշիռը շարունակում է կայուն մնալ 20% կամ ավելի բարձր նշագծի շուրջ: Իսկ դեկտեմբերի 29-ին նույնիսկ ռեկորդ է սահմանվել դիտարկման ողջ ընթացքում՝ 32,8%: