Ալիեւի եւ Փաշինյանի հետ Պուտինի եռակողմ հանդիպում ԱՊՀ գագաթաժողովում չի լինելու. Պեսկով

Ռուսաստանի, Ադրբեջանի եւ Հայաստանի ղեկավարներ Վլադիմիր Պուտինը, Իլհամ Ալիեւը եւ Նիկոլ Փաշինյանը չեն նախատեսում եռակողմ հանդիպում անցկացնել Պետերբուրգում ԱՊՀ ոչ պաշտոնական գագաթաժողովի ժամանակ, լրագրողներին երկուշաբթի ասել է ՌԴ նախագահի մամուլի քարտուղար Դմիտրի Պեսկովը, տեղեկացրել է ՏԱՍՍ-ը։

«Ոչ, եռակողմ հանդիպում չի լինելու, բայց երկկողմ շփումներ, իհարկե, կլինեն այդ ոչ պաշտոնական հանդիպման շրջանակում»,- ասել է նա։