Ադրբեջանական հերթական սադրանքը՝ Ֆաթուլաևի դեմքով
16:56 , 18 օգոստոս, 2022168.am-ը գրում է․
Ադրբեջանական Haqqin.az-ի խմբագիր Էյնուլա Ֆաթուլաևը տեղեկություն էր հրապարակել, թե իր գլխավորած լրատվամիջոցի նկարահանող խումբն այս պահին գտնվում է հայկական ղեկավարության շտաբում և առաջիկա օրերին ռեպորտաժների շարք են հրապարակելու Բերձորից ու Աղավնոյից բնակչության տարհանման վերաբերյալ։
Իր այդ հրապարակումից հետո նա մեկ-երկու լուսանկար էր հրապարակել, որտեղ Աղավնոյում իբր խոսում է տեղի բնակիչների հետ։
168.am-ի հետ զրույցում Արցախի Անվտանգության խորհրդի քարտուղարի մամուլի խոսնակ Հրայր Հակոբյանն ասել էր, որ այդ ամենն իրականությանը չի համապատասխանում։
«Սա ադրբեջանական կողմի հերթական ապատեղեկատվությունն է, այն իրականությանը չի համապատասխանում»,- նշել էր Արցախի ԱԽ քարտուղարի խոսնակը։