Երեւանի ավագանին այսօր հաստատեց Երեւան քաղաքի Կենտրոն վարչական շրջանի փողոցներից մեկն անվանակոչելու մասին նախագիծը:
Երևան քաղաքի Կենտրոն վարչական շրջանի Մայիսյան փողոցը անվանափոխվեց թատրոնի և կինոյի անվանի դերասան, ՀԽՍՀ և ԽՍՀՄ ժողովրդական արտիստ Խորեն Աբրահամյանի անվամբ՝ «Խորեն Աբրահամյան փողոց»։
Երևան քաղաքի Նուբարաշեն վարչական շրջանի Նուբարաշենի 13-րդ փողոցը անվանակոչվեց «Նոր Զմյուռնիա» անվամբ՝ «Նոր Զմյուռնիայի փողոց», իսկ Բագրևանդի փողոցից մինչև Թևոսյան փողոց ձգվող ճանապարհահատվածը անվանակոչվեց հայտնի վիրաբույժ, սրտաբան, բժշկական գիտությունների դոկտոր, պրոֆեսոր Ալեքսանդր Միքայելյանի անվամբ՝ «Ալեքսանդր Միքայելյան փողոց»։