ԱՄՆ-ն չի բացառում մարտի վերջին Բայդենի և Զելենսկու հանդիպման անցկացումը. Փսակի
00:18 , 16 մարտ, 2022Lurer.com-ը գրում է.
ԱՄՆ-ը չի բացառում մարտի վերջին Բրյուսելում ԱՄՆ նախագահ Ջո Բայդենի և նրա ուկրաինացի գործընկեր Վլադիմիր Զելենսկու հանդիպման անցկացումը, ասել է Սպիտակ տան մամուլի քարտուղար Ջեն Փսակին, նրա խոսքերը մեջբերում է ՌԻԱ Նովոստին։
Ինչպես պարզաբանել է ամերիկյան նախագահի վարչակազմի ներկայացուցիչը, Բայդենի այցի ծրագիրը դեռ համաձայնեցվում է։ «Մենք դեռ համաձայնեցնում ենք ուղևորության մանրամասները»,- ընդգծել է նա։ Լրագրողները Փսակիին հարցրել են, թե արդյոք նա ընդունում է, որ երկու առաջնորդների հանդիպումը Բրյուսելում կկայանա։ Ըստ մամուլի խոսնակի՝ ինքը չի բացառում այս տարբերակը:
«Այժմ մեր հիմնական նպատակը Բրյուսելում ՆԱՏՕ-ի գործընկերների հետ հանդիպումներ անցկացնելն է»,- հավելել է նա։