«Կատակ մի արա, մամա». ինչպես են Սիրուշոյի որդիներն արձագանքում երգչուհու հղիության լուրին
22:13 , 5 մարտ, 2022Lurer.com-ը գրում է.
Երգչուհի Սիրուշոն Ինստագրամի իր էջում հուզիչ տեսանյութ է հրապարակել, որում ամուսնու` Լևոն Քոչարյանի հետ որդիներին հայտնում են, որ իրենց ընտանիքում համալրում է սպասվում:
«Մենք մի հատ էլ ենք բալիկ ունենալու», - ասում է Սիրուշոն իր որդիներին:
Հաջորդ կադրերում Ռոբերտը և Միքայելն արձագանքում են` «Կատակ մի արա, մամա»,- ապա հետաքրքրվում` քույրիկ են ունենալու, թե եղբայր:
«Քույրիկ եմ ուզում», «Ես էլ բրատիկ եմ ուզում»,- ասում են երգչուհու տղաները:
Հիշեցնենք, որ Լևոնն ու Սիրուշոն ամուսնացել են 2009 թվականի հունիսի 6-ին` երկար ժամանակ ընկերություն անելուց հետո։
Նրանք այժմ ունեն 2 որդի։ Նրանց առաջնեկի անունը Ռոբերտ է, կրտսեր որդու անունը` Միքայել։