Դատախազությունն ոչ իրավունք ունի, ոչ էլ բարոյականություն՝ գնահատելու Բախշիյանի որոշման օրինականությունը

Հիշեցի իմ ձերբակալումն ու կալանավորումը։ Վերաքննիչ դատարանը քննելով կալանավորմանս օրինականությունը հաստատել է (ուժի մեջ մտած դատական ակտով), որ դատավոր Կարեն Ֆարխոյանն ինձ կալանավորել էր ակնհայտը ապօրինի։ Վերաքննիչ դատարանը նույնիսկ արձանագրել էր, որ ինձ կալանավորել են անգամ հիմնավոր կասկածի բացակայության պայմաններում։

Տեսնես դատախազությունն ինչի՞ «չի նկատում» այդ ակնհայտ ապօրինի կալանավորման փաստը։ Ի դեպ, իմ գործով դատախազությունը ոչ միայն իրավունք ունի դա նկատելու, այլ նաև պարտավոր է դրանով մեղադրանք առաջադրել դատավոր Կարեն Ֆարխոյանին, քանի որ իմ գործով գոնե դատական վերահսկողությամբ հաստատվել է կալանավորման ապօրինությունը։