Երեկ ոստիկանության կողմից երեխաների աչքի առաջ բերման ենթարկված տղամարդու 3 տարեկան տղային ցնցումներով տեղափոխել են հիվանդանոց. ArmLur.am

ArmLur.am-ը գրում է.

ArmLur.am-ին հայտնի դարձավ, որ քիչ առաջ ցնցումների մեջ «Սուրբ Աստվածամայր» բկ են տեղափոխել 3 տարեկան տղա երեխայի: Երեխան ցնցման մեջ է ընկել երեկ ոստիկանների կողմից Քեսաբի 6 հասցեում իր հայրիկին՝ Վազգեն Ռաֆայելյանի նկատմամբ բռնություն կիրառելուց հետո: ArmLur.am-ի հետ զրույցում ոստիկանների կողմից բռնության ենթարկված Վազգեն Ռաֆայելյանն ասաց, որ երեխայի համար շտապօգնություն են կանչել ու տեղափոխում են հիվանդանոց:

ArmԼur.am-ին ոստիկանության հասարակայնության հետ կապերի եւ լրատվության վարչությունից դեպքի առթիվ հայտնեցին, որ ՀՀ ոստիկանության պետի հանձնարարությամբ Ներքին անվտանգության վարչությունում ծառայական քննություն է նշանակվել: