Դատախազությունից տեղեկացնում են՝ Սամվել Բալասանյանին առնչվող քրեական գործ չկա
17:11 , 11 հոկտեմբեր, 2021Armenpress.am-ը գրում է․
Գյումրիի քաղաքապետ Սամվել Բալասանյանին առնչվող քրեական գործ չկա: Այս մասին հոկտեմբերի 11-ին կայացած ասուլիսի ժամանակ նշեց Շիրակի մարզի դատախազ Գուրգեն Գրիգորյանը:
Ինչպես տեղեկացնում է «Արմենպրես»-ը, լրագրողների դիտարկմանը, թե խոսակցություններ կան այն մասին, որ Սամվել Բալասանյանը բացակայում է երկրից, որովհետև իրեն առնչվող ինչ-ինչ գործեր են քննվում, դատախազը պատասխանեց, որ Բալասանյանին առնչվող քրեական գործ չկա:
Նման գործեր չկան: Ինչ մնում է ասեկոսեներին, ես դրանց չեմ պատասխանում, ես մարզի դատախազն եմ»,-նշեց Գուրգեն Գրիգորյանը:
Գյումրիի ավագանու վերջին երկու նիստերին քաղաքապետը չի մասնակցել: Նրա բացակայության հետ կապված փոխքաղաքապետ Ռուբեն Սանոյանը պարզաբանել է, որ Սամվել Բալասանյանը երկրում չէ: