Ռոյսը Բորուսիայի պատմության առաջին ֆուտբոլիստն է, որն իր ակտիվում ունի 100-ական գոլ ու գոլային փոխանցում
00:14 , 3 հոկտեմբեր, 2021Armsport.am-ը գրում է․
Գերմանիայի Բունդեսլիգայի 7-րդ տուրի շրջանակում Դորտմունդի «Բորուսիան» տանը 2-1 հաշվով առավելության հասավ «Աուգսբուրգի» նկատմամբ:
«Մեղուների» ավագ Մարկո Ռոյսը դարձավ գոլային փոխանցման հեղինակ: Այդ փոխանցումը Ռոյսի համար «Բորուսիայի» կազմում 100-րդն էր: Գերմանացին դարձավ «Բորուսիայի» պատմության առաջին ֆուտբոլիստը, որն իր ակտիվում ունի 100-ական գոլ ու գոլային փոխանցում:
Այս հաղթանակից հետո «Բորուսիան» 15 միավորով զբաղեցնում է երկրորդ հորիզոնականը: