L’Equipe-ը բացահայտել է Լիոնել Մեսսիի աշխատավարձը ՊՍԺ-ում
10:32 , 18 սեպտեմբեր, 2021Armsport.am-ը գրում է.
Ֆրանսիական L’Equipe պարբերականը բացահայտել է, թե որքան աշխատավարձ է ստանում հարձակվող Լիոնել Մեսսին ՊՍԺ-ում:
Աղբյուրի փոխանցմամբ, Մեսսիի պայմանագրի համաձայն նրա աշխատավարձն առաջին տարում կկազմի 30 մլն եվր: Հաջորդ երկու տարիներին այն կավելանա 10 մլն եվրոյով՝ շնորհիվ հավատարմության համար նախատեսված բոնուսների, որոնք կգործեն, եթե Մեսսին մնա ՊՍԺ-ում ինչպես երկրորդ, այնպես էլ երրորդ մրցաշրջաններում:
Հիշեցնենք՝ Մեսսին օգոստոսի 10-ին երկու տարվա պայմանագիր կնքեց ՊՍԺ-ի հետ: Պայմանագրի մեջ նաև կետ կա այն մեկ մրցաշրջանով երկարաձգելու հնարավորությամբ: