Նման ամպից ուժեղ կարկուտ է տեղում. Գագիկ Սուրենյանը հետաքրքիր լուսանկար է հրապարակել
14:47 , 13 օգոստոս, 2021Armeniasputnik.am-ը գրում է.
Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը բնության հետաքրքիր երևույթի լուսանկար է հրապարակել Facebook-ում։
Դեղնավուն հսկա ամպի լուսանկարը, ըստ նրա, արվել է օգոստոսի 11-ի երեկոյան Սևանի արևմուտքում:
«Ամպի հիմքը մոտ 3 կմ բարձրության վրա է, գագաթը կարող է հասնել 17-18 կմ բարձրությունների, ուղղաձիգ հզորությունը 14-15 կմ, գագաթին օդի ջերմաստիճանը`-60–ից -70 աստիճան: Նման ամպից տեղում է ուժեղ կարկուտ, տեղատարափ անձրևներ, որը ուղեկցվում է ուժեղ քամիներով: Միջազգային անվանումը՝ cumulonimbus capillatus arcus»,– լուսանկարին կից գրել է Սուրենյանը։
Օգտատերերից մեկը հրապարակել է նույն ամպի լուսանկարը, պարզապես ավելի հեռվից։
