Մեծ ափսոսանքով հայտնում եմ՝ դուրս եմ գալիս աշխարհի Գավաթի խաղարկությունից. Լևոն Արոնյան
15:03 , 16 հուլիս, 2021Armsport.am-ը գրում է.
Հայ գրոսմայստեր Լևոն Արոնյանը տեղեկացրել է,որ դադարեցնում է իր մասնակցությունը Սոչիում ընթացող շախմատի աշխարհի գավաթի խաղարկությանը:
«Մեծ ափսոսանքով ստիպված եմ հայտնել, որ դուրս եմ գալիս ՖԻԴԵ-ի աշխարհի Գավաթի 2021 թվականի խաղարկությունից: Ունենալով շատ բարձր ջերմություն և տոնզիլիտ, չնայած խաղալու իմ ցանկությանը, ստիպված եմ ռացիոնալ լինել և իմ, ու մյուս խաղացողների առողջությունը դնել առաջին տեղում:
Ցանկանում եմ շնորհակալություն հայտնել ՖԻԴԵ-ի նախագահ պարոն Դվորկովիչին՝ ինձ ամեն հարցում օգնելու համար:
Խնդրում եմ հոգ տարեք ձեր մասին, հույս ունեմ՝ մրցաշարը կշարունակվի առանց դժվախտությունների: Խոստանում եմ շուտով առողջանակ ւ վերադառնալ շախմատի զարմանահրաշ աշխարհ»,- գրել է Արոնյանը:
Հիշեցնենք՝ շախմատի աշխարհի գավաթն անցկացվում է Սոչիում հուլիսի 12-ից օգոստոսի 6-ը: Եզրափակիչի մասնակիցները իրավունք կստանան մասնակցել Համաշխարհային շախմատային թագի թեկնածուների մրցաշարին:
Աշխարհի գավաթի 1/64-րդ խաղարկությունում Արոնյանը պետք է խաղար Ավստրալիայի ներկայացուցիչ Բոբի Չենգի հետ, սակայն տենդի ախտանշանների պատճառով նա բաց պետք է թողներ այդ հանդիպումը: