Հուլիսի 9-ին Վանաձորում բացվել է 44-օրյա պատերազմի մասնակից Արման Աղվանյանի անունը կրող հուշաղբյուրը (Photo, Video)

Արման Աղվանյանը ծնվել էր 2000թ. Օձուն գյուղում, ապրել և մեծացել է քաղաք Վանաձորում։ 1-6 դասարանները սովորել է Վանաձորի թիվ 21 դպրոցում, 7֊րդ դասարանից ընդունվել է Վանաձորի «Էվրիկա» դպրոց: Եղել է աշակերտական խորհրդի նախագահ։ 2018թ. ընդունվում է Հայ֊ռուսական (Սլավոնական) համալսարանի իրավագիտության բաժինը (անվճար հիմունքներով): Առաջին կիսամյակն ավարտելուց հետո՝ 2019թ. հունվարի 13 զորակոչվեց բանակ։ Պարտադիր զինվորական ծառայությունն անցկացնում էր Ստեփանակերտում։ Ուներ սերժանտի կոչում, դասակի հրամանատարի տեղակալ էր, 872 տանկի հրամանատարն էր։ Ստացել է «Լավագույն զինվոր-մարզիկ» շքանշանը։ Կյանքը զոհել է հանուն հայրենիքի՝ հոկտեմբերի 9-ին, Ջրականի (Ջաբրայիլի) մատույցներում։

Արմանը հետմահու պարգևատրվել է «Մարտական ծառայություն» արիության մեդալով։ Նոր սերունդը՝ ոգեշնչված ավագների օրինակով, այսօր էլ լի է թշնամու դեմ չերկնչելու կամքով և վճռականությամբ։