Կաշառքի հետ կապված թղթեր են փնտրում, բայց չեն գտնի, ես նման բաների մեջ թաթախված չեմ. Որոտան վարչական տարածքի ղեկավար

Tert.am-ը գրում է.

Ասում են, որ փնտրում են ընտրությունների հետ կապված փաստաթղթեր, իբր կաշառքին առնչվող: Այս մասին Tert.am-ի հետ զրույցում ասաց Սյունիքի մարզի Գորիսի Որոտան վարչական տարածքի ղեկավար Սուրեն Օհանջանյանը՝ հավելով, որ իրավապահներն իր տանը վաղ առավոտից մեկնարկած խուզարկությունը դեռ չեն ավարտել:

«Ոչինչ չեն գտել, չեն էլ գտնելու, ինչ ուզում են թող անեն, ամբողջ համայնքը գիտի, որ ես նման բաների մեջ թաթախված չեմ: Իսկ ինչ վերաբերում է սոցիալական աջակցությանը, ապա ժողովուրդը միշտ դիմել է և համայնքապետի որոշումով տրամադրվել է, սա ոչ՛ մի տարվա, ո՛չ 3  տարվա բան չէ, միշտ էլ սոցիալական տարբեր հարցերով դիմել են, օրենքով սահմանված կարգով աջակցություն ստացել եմ»,-ասաց նա:

Սուրեն Օհանջանյանը շեշտեց, որ ինքը չի ընկճվում, վստահ է, որ ամեն ինչ իր բնականոն հունին  կվերադառնա:

Ամբողջական հոդվածը կարող եք կարդալ այստեղ: