Պատերազմի ընթացքում ԱԱԾ տնօրենի պաշտոնից ազատված Արգիշտի Քյարամյանը պարգևատրվել է Արիության մեդալով՝ սահմանների պաշտպանության գործում ցուցաբերած արիության համար
17:29 , 7 հուլիս, 2021News.am-ը գրում է.
Քննչական կոմիտեի փոխնախագահ, Ազգային անվտանգության ծառայության նախկին տնօրեն Արգիշտի Քյարամյանը Արցախի Հանրապետության նախագահ Արայիկ Հարությունյանի հրամանով պարգևատրվել է Արիության մեդալով։ Այս մասին հայտնել է ԱՀ նախագահի մամուլի խոսնակ Լուսինե Ավանեսյանը։
«Արիության մեդալը երեկ հանձնվել է իրեն»,-ասաց Ավանեսյանը՝ նշելով, թե Քյարամյանը պարգևատրվել է Արցախի Հանրապետության սահմանների պաշտպանության գործում ցուցաբերած արիության համար։
Հիշեցնենք՝ Արգիշտի Քյարամյանը 44-օրյա պատերազմի ընթացքում՝ 2020-ի հոկտեմբերի 8-ին ազատվեց ԱԱԾ տնօրենի պաշտոնից։ 2020-ի դեկտեմբերի 24-ին էլ նա նշանակվեց ՔԿ փոխնախագահի պաշտոնին։