«Շուշիում Ադրբեջանի դրոշին հավասար կծածանվի նաև Թուրքիայի դրոշը». Չավուշօղլուն` գլխավոր հյուպատոսության բացման մասին
14:58 , 20 հունիս, 2021Tert.am-ը գրում է.
Թուրքիայի արտգործնախարար Մևլյութ Չավուշօղլուն Անթալիայում Դիվանագիտական համաժողովի փակման ժամանակ, պատասխանելով լրագրողների հարցերին, ասել է, որ նախապատրաստական աշխատանքներից հետո Շուշիում կբացվի գլխավոր հյուպատոսություն և որ Թուրքիայի արտաքին գործերի նախարարությունը աշխատակիցներին հնարավորինս շուտ կուղարկի այնտեղ, գրում են թուրքական լրատվամիջոցները:
«Շուշիում Ադրբեջանի դրոշին հավասար կծածանվի նաև Թուրքիայի դրոշը»,-ասել է Չավուշօղլուն` ընդգծելով, որ գլխավոր հյուպատոսության բացումն առանձնահատուկ նշանակություն ունի:
Խոսելով Թուրքիայի և Ադրբեջանի ղեկավարների կողմից ստորագրված Շուշիի հռչակագրի մասին` Չավուշօղլուն այս փաստաթուղթը անվանել է ապացույց այն բանի, որ Թուրքիայի և Ադրբեջանի միջև միությունը կլինի ամենաբարձր մակարդակում:
Հիշեցնենք, որ Լեռնային Ղարաբաղի` ներկայում Ադրբեջանի վերահսկողության տակ գտնվող Շուշի քաղաքում տեղի է ունեցել է Թուրքիայի և Ադրբեջանի նախագահների մասնակցությամբ թուրք-ադրբեջանական փաստաթղթերի ստորագրման արարողությունը. մասնավորապես ստորագրվել է Շուշիի հռչակագիրը:
«Այսօր մենք ոչ միայն խոսում ենք Զանգեզուրի միջանցքի մասին, որը ճանապարհային և երկաթուղային ճանապարհով կապելու է Ադրբեջանը և Թուրքիան, այլ նաև գործնական գործողություններ ենք իրականացնում», - ընդգծել է Ադրբեջանի ղեկավարը:
Ըստ Ալիևի` ստորագրված փաստաթուղթը հստակ դրույթներ է պարունակում Զանգեզուրի միջանցքի վերաբերյալ:
Ամբողջական հոդվածը կարող եք կարդալ այստեղ: