Պետական կառավարման համակարգն արժեզրկվում է կառավարման բոլոր մակարդակներում և օղակներում

18:32 , 4 հունիս, 2021
ՀՀ Վայոց ձորի մարզպետարանի կայքում հաղորդագրություն է հրապարակված՝ 2021 թվականի հունիսի 4-ին ՀՀ Վայոց ձորի մարզխորհրդի թիվ 2 նիստի կայացման մասին։ Հարկ է նկատել, որ ՀՀ կառավարության կողմից սահմանված «Մարզի խորհրդի կառավարման և գործունեության» կարգի 2-րդ կետով սահմանվում է, որ մարզի խորհրդի կազմում ընդգրկվում են մարզպետը, նրա տեղակալը (տեղակալները), մարզի համայնքների ղեկավարները։ Հրապարակված լուսանկարներից պարզ է դառնում, որ ՀՀ Վայոց ձորի մարզի ընդամենը ութ համայնքների ղեկավարներից, մարզի խորհրդին մասնակցել են միայն երկուսը՝ Արենի և Եղեգիս համայնքների ղեկավարները։ Այսինքն` մարզի խորհրդի 10 անդամներից նիստին մասնակցել են 4-ը, որից երկուսը՝ մարզպետն ու իր տեղակալն են (մարզպետի մյուս տեղակալի պաշտոնը թափուր է Զինված ուժերի հայտարարությունից հետո մարզպետի տեղակալներից մեկի հրաժարականից հետո)։ Բոլոր ինստիտուտների արժեզրկումն ու վարկաբեկումը դարձել է այս հանցավոր իշխանությունների կենսակերպը կառավարման բոլոր մակարդակներում և օղակներում։