Ինչու են ԵՄ անդամ պետությունների դեսպանները մեկնել Այունիք. նախատեսվում է այց նաև Սև լճի տարածք
13:28 , 20 մայիս, 2021Hraparak.am-ը գրում է.
Մեր տեղեկություններով՝ ԵՄ մեկ տասնյակից ավել դեսպաններ այսօր այցելել են Սյունիքի մարզ, նախատեսվում է այց նաեւ Սեւ լճի տարածք։ Մեր աղբյուրը հաղորդեց, որ այս պահին նրանք Գորիսում են։ Նրանք հանդիպել են Սյունիքի մարզպետ Մելիքսեթ Պողոսյանի, ՔՊ-ական փոխմարզպետ Նարեկ Բաբայանի եւ իմքայլական պատգամավոր Արմեն Խաչատրյանին հետ, հանդիպմանը մասնակցել են նաեւ մի շարք զինվորականներ։
Հիշեցնենք, որ մայիսի 12-ից Սեւ լճի տարածքում իրավիճակը մնում է անփոփոխ․ ադրբեջանական զինուժի խմբերը 3.5 կիլոմետր լճի տարածքով ներխուժել են ՀՀ սահման եւ հետ քաշվելու մտադրություն չունեն։